(Pangasinan) | Agew Na Dalin 2025 - Remix | Toito

Instructions

(Pangasinan) Agew Na Dalin 2025 - Translations ----- Maliket ya Agew na Dalin, Amin! Say Agew na Dalin et tinaon ya selebrasyon na planeta tayo ed interon mundo tan sakey a panonot ya amin tayo et walaan na pakayarin manprotekta ed satan. Kada taon no Abril 22, mantitipon iray totoo ed masulok ya 190 a bansa pian onkiwas parad mundo. Say tema na Agew Na Dalin 2025 et “Say pakayari tayo, Say planeta tayo”, ya mangiiter na liwawa ed napapasimbalo enerhiya tan mamapaseseg ed totoo ed interon mundo ya mankakasakey pian makapanggawa na mas malinis tan mas maliwawa ya arapen. Balanglan diad panamegley na panulong ed arum ya makaaral, mannonot a mapalsa, odino pibiang ed kiwas ed komunidad, amin tayo et makapanggawa na pananguman! ===== Bilang paraan pian selebraan iyan taon, iimbitaan mi kayon manggawa na saray proyekto nipaakar ed Agew Na Dalin tan i-inabang yod sikami dia ed studio! Manaanap kay ideya pian onggapo? - Manggawa na animated card ya mangibabagan “salamat” ed planeta tayo odino mangimbita na sakey a too ya manselebra na Agew Na Dalin a kaiba yo - Manggawa kay galaw ya kaukolan mon kolektaen iray materyales pian makapanggawa kay malinis ya lapuan na enerhiya a singa say solar panel odino dagem uma - Manggawa na artekimey ya uusaren iray inrecycle ya materyales tan pabilayen itan ed Scratch - Manggawa na proyekto ya mangibangat ed arum no panon ya mankikimey so napapasimbalo enerhiya - Manggawa na makulangkulang ya animation nipaakar ed banwa ya man-aaplay na balon trabaho pian ontulong ed paka-pakayari na abung panamegley na solar panel - Manggawa na interaktibo eksamin ya walay katuaan nipaakar ed dagem, danum, tan solar power - Manggawa na interaktibo ya artekimey ya mangipapanengneng na pandumaan na mundon walay malinis ya enerhiya tan mundon anggapoy enerhiya. - Manggawa na proyekto ya walay orihinal ya karakter odino Scratch sprite ya manggagawa na paraan pian mas makaderal ed kaliberliber. - Antoy itsura na malinis ya enerhiya ed arapen parad sika? I-inabang mo kami ed sakey a proyekto. - Isipen so tema ya “Say Pakayari Tayo, Say Planeta Tayo” tan manggawa na proyekto ya misiglaotan ed satan! Tandaan, saraya et suhestion labat! Nayarin manggawa kayo met na sarili yon ideya, odino mangala na inspirasyon ed saray proyekto ya wala lad studio! Nengnengen ed leksab so kaaruman ya impormasyon nipaakar ed Agew na Dalin. Antoy gawaen mo? =^..^= - - - - MYI (mabetbet ya itetepet - FAQ's) Anto to Agew Na Dalin? Say Agew Na Dalin et sakey a tinaon ya ebento pian selebraan so Dalin tan pian nipanengneng so suporta ed proteksion na kaliberliber. Saya so seselebraan ed kada taon no Abril 22 pian selebraan so anibersaryo na inggapo na modernon kimey parad kaliberliber nen 1970. Antoy tema na Agew Na Dalin ed sayan taon? Say tema na Agew Na Dalin 2025 et “Say Pakayari Tayo, Say Planeta Tayo", ya mangiimbita ed amin ed interon mundo ya mankakasakey ed benegan na napapasimbalo enerhia, tan pian natriple so sankamundoan ya produksyon na malinis ya kuryente no 2030. Panon ak ya makapibiang? Dakel so paraan pian naselebraan so dalin tan magmaliw ya mas maalwar ed kaliberliber. Pigaran suhestion manlapud saray angiorganisa na Agew Na Dalin: Say pikakabat et pakayari - balanglan estudyante ka, lider na kalangweran, odino sakey a toon labay mon naamtaan so nipaakar ed kaliberliber, sarag mon aralen iray katuaan, ikayat so pakaamta, tan mangiter na inspirasyon ed kiwas. Manggawa na aksion ed saray bengatla a singa say panagtanem na kiew odino panaral no panon so man-i-recycle. Usaren so boses mo pian natulongan so arum ya makaaral nipaakar ed kaimportantian na pangprotekta ed planeta tayo. Tulongan ya mansiansian malinis iray gilig na dayat, dayat, ilog, lawak, dalan, parke, tan arum nira. Anto ni ray naisip mon paraan pian makatulong ka? Manggawa kay proyekto nipaakar ed saya tan i-share mo ed sikami! Iner so pakaaralan ko ni? Nengnengen iray proyekto ed sayan studio pian naamtaan so kaaruman tan/odino bisitaen iyan opisyal ya website na Agew Na Dalin ya mangiter na kaaruman iran detalye: https://www.earthday.org/earth-day-2025/ ==== Ontan labat! salamat ed impibiang mo, Scratch on!