(Pangasinan) Tanaman Tan Ayayep - SDS | SDS Translations - Toito

Instructions

(Pangasinan) Tanaman Tan Ayayep - SDS ------ Saray maamot ya bulong na saray bulong, legan ya onaagus iray pakanodnonotan ed anlemew a dagem, a mamapasayaw ed saray rosas ed marakep a simfoniya. Bangta say Tanaman et makapasagyat ed karakpan to, say Ayayep et makapasagyat ed dilin paraan to, saray makapataktakot ya eyag na saray lobo ed labi diad silong na bulan, saray masamit a melodiya na saray manok ya mangaabrasa ed agew ed kabuasan, say inka-elegante na sakey ya usa, tan say mapekder a kompiyansa na sakey ya oso. Kada detalye, anggan panon lay kamelag to, et mangipapatnag na paraiso ed Mundo tayo. Agta say kalikasan et simpli tan marakep a regalo? Diad sayan Scratch Design Studio (SDS), iimbitaan mi kan mangabrasa ed saray makapakelkelaw a kalikasan diad panggawa na saray proyekto ya mansukimat ed mundo na Tanaman tan Ayayep. Manaanap kay ideya pian onggapo? - Manggawa na proyekton edukasyonal ya mansukimat ed nanduruman rosas tan ayayep ed interon mundo. - Manggawa kay platformer ya kaukolan mon dalanen so katakelan ya napno na nanduruman klase na rosas, kakiewan ya mankokolekta na saray hiyas ya mangirerepresenta na nanduruman klase na ayayep. - Manggawa na anlong o antikey ya istorya nipaakar ed kalikasan tan saray makapakelkelaw to. - Manggawa na arte piraso odino parallax ya inspirasyon na natural ya eksena ya labalabay mo odino anengneng mo. - Manggawa na animation nipaakar ed bilay na paboritom ya ayep o tanaman. - Manggawa na interaktibo ya eksamin galaw ya kaukolan mon ebatan iray tepet nipaakar ed kalikasan pian mas naeksplor mo so virtuall ya katakelan. Tandaan ya saraya et suhestion labat, nayarin na-inspire kayo ed saray proyekto ya wala lad studio, odino makapangiter kayo na nikadkaduman tan orihinal. Manaanap kay kaaruman ya impormasyon nipaakar ed tanaman tan ayayep? Say kabaliksan na tanaman et amin ya tanaman ed sakey a pasen, singa saray kiew, rosas, tan dika. Say Ayayep et mankabaliksan na amin ya ayayep ed sakey a pasen, singa saray manok, insekto, tan oso! No pankasakeyen, say “tanaman tan ayayep” et sakey a paraan pian natongtong so amin a mabilay a bengatla ed kalikasan. _____ Pian nidagdag so proyekto yo ed sayan studio, mangi-poste kayo na komento ya walay link. Naromog mo so link na proyektom diad pan-click ed ‘Kopya Link’ ya buton ed pahina na proyekto. Say buton et walad leksab na saray nota insan utang ya seksion na proyekto yo. Ipangasin mangisumite na sakey a proyekto ya in-inabang ya ag onlampas ed sakey bulan antis ya onggapo iyan Design Studio (sayan studio et ginmapo nen Mayo 6, 2025 kanian saray proyekton ginawa kayari na Abril 6, 2025 et nayarin idagdag). No wala ray proyekto yon inabang kayari na satan ya petsa ya duga ed tema, ag kayo mapaga ya manggawa na balon proyekto tan isumite yo! Amin ya proyekto et nepeg ya ontumbok ed saray totontonen na komunidad tan matukoy ed amin ya edad. Nayarin mangala na panaon antis ya niarum so proyekto yo. Man-anos kayo, iyarum mi ray proyekto ya sankadaanan anggad sankabaloan, pian nanengneng mi ran amin. Agla kaukolan ya dobleen so poste! _____ Say SDS (Scratch Design Studio) et sakey a walay tema studio ya ditan et nayarin mangisumite iray Scratchers na proyekto ya mipara ed kaplesan ya tema, basta makasumpal ed saray kakaukolanen ya nipanengneng ed tagey. Nengnengen iyan proyekto pian nanengneng no panon ya napili iray balon SDS saray manag-asikaso: Agmo la basta kerewen ya magmaliw kan manag-asikaso! _____ Walay ideyam parad arapen ya Design Studio? Bisitaen so studio ya aka-link ed leksab, basaen so deskripsion na studio, insan isumite so ideyam ed nengneng na proyekto dia: _____ Wala ray tepet mo nipaakar ed Scratch Design Studio? Nengnengen so artikulo na Scratch Wiki nipaakar ed saya: https://en.scratch-wiki.info/wiki/SDS _____ Nengnengen iyan studio parad saray sankabaloan nipaakar ed SDS, balon SDS saray manag-asikaso, tan dakel ni! _____ Deskripsion: Tangankuko: Tema na Studio ya Inproponin: Panagpatalos, pananguman, tan arum ni: _____