Minangkabau Tarjamahan | Matematika nan indak nampak: Tasuruak di Pandangan Biaso

Instructions

[Minangkabau] Matematika nan indak nampak: Tasuruak di Pandangan Biaso ----- Baa kalau matematika bukan hanyo soal manyalasaikan persamaan atau mato palajaran nan kito ambiak di sikola? Baa kalau matematika tu caro mancaliak dunia? Matematika acok manyuruak di pandangan mato, walaupun indak salalu awak mamparatikannyo. Itu dalam detak lagu favorit sanak, pola-pola di baju sanak, simetri sayap kupu-kupu, pantulan bola, dan bahkan dalam caro sanak mambagi pizza. Itu di alam, di permainan nan kito mainkan, di karya seni nan kito buek, di hobi kito, dan di komunitas kito. Tunggu... itu matematika?! Katiko awak lambek-lambek dan mancaliak dari dakek, awak bisa manamukan matematika di sagalo macam tampek nan mengejutkan. Studio ko maajak sanak untuak manjalajah matematika nan ado di dunia sanak. Mulailah jo sesuatu nan Sanak cintoi, karajoan satiok hari, atau penasaran dan kamudian bueklah proyek nan manjalajah matematika nan tasuruak nan Sanak bongka dan mambantu Scratchers lain mamparatikannyo juo! Mancari ide untuak mamulai? Buek karya seni interaktif nan diilhami dari pola atau bantuak nan Sanak paratian pado tumbuahan, binatang, pakaian, arsitektur, atau tampek nan samo sakali indak disangko-sangko. Bueklah pamainan, animasi, atau proyek musik nan bamain jo detak jantuang, irama, pola, wakatu, atau galombang suaro. Bueklah proyek tantang busur bola kaki, suduik-suduik tembakan basket, kacapatan palari, jarak nan ditempuh sasuatu, atau bahkan kamungkinan tim favorit Sanak manang. Tulis carito tantang koki baru baraja bara pantiangnyo mangukua bahan-bahan sacaro akurat jo manskala porsi bisa katiko mamasak atau mamanggang. Bueklah permainan ruang pelarian dimano sanak paralu mamacahkan teka-teki matematika untuak bisa manang. Bueklah pamainan marancang ruangan dimano pamain manggunoan bantuak, jarak, atau koordinat x jo y untuak manghias ruangan. Baok proyek sanak ka lua dan eksplorasi matematika nan tasuruak di alam sarupo simetri bungo, jalur bayangan, atau pola-pola dalam cuaca, dll. Carilah matematika dalam sesuatu nan sanak cintoi. Baik itu main game, manari, manggambar, mode, olahraga, musik, atau apo sajo nan paliang seru untuak sanak, sadonyo hal ko punyo matematika nan manyuruak di pandangan mato. Piliah sesuatu nan sanak suko dan caliak matematika apo nan bisa sanak bongka! Ingek, iko hanyo saran dan proyek sanak indak harus bantuak tugas matematika untuak masuak ka studio! Matematika ado di sakuliliang awak dan mungkin manyuruak di tampek nan indak pernah sanak pikiakan untuak mancaliak sabalunnyo. Sanak dipersilakan untuak datang jo ide surang atau inspirasi remix dari proyek lain nan alah ado di studio. Apo nan ka sanak buek? =^..^=